Ногоон Дэнлүүн төлөө: Таярис Гибсон (Tyrese Gibson) = GREEN LANTERN

Fast and Furious цувралын од Таярис Гибсон, ДСИ комиксийн баатар Ногоон Дэнлүү (Green Lantern) буюу Жон Стюварт хэмээх супер баатарын дүрд тоглохоор өрсөлдөж эхэллээ. Түүнийг албан ёсоор энэхүү дүрд тоглоно гэж зарлаагүй бөгөөд тэрээр өөрийн фасебүүк болон инстаграм хуудсуудаар дамжуулан өөрийгөө маш хүчтэй сурталчилж эхэлсэн бөгөөд энэ нь нэг бол тэрээр энэхүү дүрийг авахыг ихэд хичээж байна эсвэл Варнер Бросс болон ДСИ гээс түүнтэй ямар нэг байдлаар холбогдсон байх гэсэн таамаглалыг гаргахад хүргээд байгаа юм. Юутай ч Ногоон Дэнлүүний шинэчлэгдсэн ребоот хийгдэх нь гарцаагүй бөгөөд энэхүү кинонд Гибсон гол дүрийг авч чадах эсэхийг бид харах л үлдлээ.

Шинэхэн Индиана Жонес: Крис Прат (Chris Pratt) RUMOR

 

2013 онд Индиана Жонесийн эрхийг Парамоунт студиэс Дисней худалдан авсан бөгөөд энэхүү кино урлагийн нэгэн гайхалтай бүтээлийг дахин дэлгэцэнд амьлуулахаар зорьж буй ажээ. Албан ёсны мэдэгдэл гараагүй ч гэсэн, олон тооны интертайнмент сайтууд  “Дисней компани” Крис Прат-г алдарт архелогч Индиана Жонесд дүрд тоглуулахаар  сонирхож байгааг мэдээлжээ. Энэхүү цуурхал нилээдгүй урт хугацааны өмнө эхэлсэн ч ойрын үед Дисней үнэхээр Пратыг сонирхож байгаа бололтой.

Крис Прат, Сансарын хамгаалагчид (Guardians of the Galaxy) киноны гол дүрийг бүтээснээрээ бидэнд танил болоод байгаа билээ. Үүнээс өмнө Parks and Recreation гэх Америкийн телевизийн сериалаар олонд танигдаад байсан юм. Одоогийн байдлаар тэрээр Журассикийн Ертөнц (Jurassic World) кинонд гол дүрийг бүтээж байгаа юм.

Цуурхалтай холбогдуулан, кино сонирхогч фэнүүд Крис-г Индиана Жонес-р төсөөлж Фотошопджээ. Миний бодлоор (зурагнаас хархад) мань хүн энэ дүрд гайхалтай тохирох юм шиг.